Сямейны летнік 2025

Калі?
З 3 жніўня па 10 жніўня (7 начэй)
3га – дзень прыезду з 16.00
10га – дзень ад’езду да 10.00

Месца
Ужо трэці раз мы будзем праводзіць сямейны летнік на Падляшшы. Гэтым разам мы выбралі новую сядзібу, якая размяшчаецца ў 25 км ад Беластока.
Гэта класічная аграсядзіба з уласнай стайняй, старым садам, лесам за домам і выдатным відам на даліны Нарвы. Ідэальнае месца для конных або велапрагулак, а таксама доўгіх шпацыраў на світанку і змярканні.
Асноўная перавага — цішыня і навакольны лес. Ідэальна для тых, хто шукае спакой і назіранне за рэдкімі відамі птушак.
Перад домам — маляўнічы падворак, дзе вольна гуляюць каты, куры і коні.
У садзе ёсць месца для вогнішча, альтанка з грылем, бочка-сауна (за дадатковую аплату) і джакузі (за дадатковую аплату).
Недалёка ёсць рэчка (~3 км), куды абавязкова сходзім, магчыма, і не адзін раз.
Для заняткаў ёсць гульнявы пакой.
Паркоўка для машын бясплатная.
Гаспадары сядзібы вельмі любяць прымаць у сябе сем’і з дзецьмі і шмат чаго зрабілі для дзіцячага адпачынку.

Магчымасць жыць у сваім намёце – удакладняецца.

Умовы пражывання

Дом на 3 паверхі і 6 пакояў:

• 2 двухмесныя пакоі з асобнымі ваннымі пакоямі (магчымасць дадатковага ложка),
• 2 двухмесныя пакоі на гарышчы з агульнай ваннай,
• 2 трох- або чатырохмесныя пакоі з асобнымі ваннымі пакоямі,
• гасцёўня з раскладной канапай, якая таксама выкарыстоўваецца як сталовая,
• тэраса з садовай мэбляй.

Таксама:
2 стылізаваныя пакоі над стайняй (да 12 асоб),
2 пакоі на 3–5 асоб з ваннымі пакоямі.

Усе пакоі маюць доступ да бясплатнага Wi-Fi (у некаторых месцах сігнал можа быць слабейшым). У многіх пакоях ёсць набор для прыгатавання гарбаты і кавы. У ванных пакоях ёсць: мыла, туалетная папера, ручнікі. На месцы можна набыць іншыя сродкі гігіены, зубныя шчоткі і пасту, а таксама каву з іх плантацыі.

Некалькі фотаздымкаў пакояў, больш падрабязная інфармацыя будзе пазней.

Харчаванне

Сняданкі і абеды. Вячэра па жаданні.
Традыцыйная польская хатняя кухня, таксама вегетарыянскія стравы.

Можна дадаткова заказаць:

• кошыкі з рэгіянальнай ежай,
• свежавыціснутыя яблычныя сокі,
• хатні хлеб,
• пасты, сыры і вэнджаніна.

Папярэджвайце, калі ласка, аб уласных перавагах і абмежаваннях (алергія, вегетарыянства, пост, дыета, без свініны і гд).

Праграма
Праграма летніка знаходзіцца яшчэ ў распрацоўцы.
Плануюцца тэматычныя заняткі, спектакль, кірмаш, эстафеты і конкурсы, гульнявы пакой для дзяцей і дарослых, вячэрняе кола, казкі нанач, пасядзелкі для дарослых у альтанцы альбо каля вогнішча, паход на рэчку і іншае.
Мяркуецца актыўны ўдзел усіх удзельнікаў. Вядома, што няма ніякага прымусу.

Арганізацыйны ўнёсак:
У арганізацыйны ўнёсак уваходзіць аплата настаўнікам (харчаванне, пражыванне, праезд), аплата вядучым майстар-класаў, матэрыялы для майстар-класаў, свят, сюрпрызаў, падарункаў і іншыя арганізацыйныя расходы.

Трансфер
Плануецца трансфер з Беластока (за дадатковую плату).

Прыкладныя кошты за тыдзень:

Пражыванне: ад 130€ з чалавека (у залежнасці ад пакоя).
Харчаванне (сняданак і абед) за 1 чалавека: 150€.
Трансфер Беласток – сядзіба: ад 10€ з чалавека.
Арганізатарскі ўнёсак: Сям’я з адным дзіцяці – 250€, двое дзяцей – 300€, трое дзяцей – 350€, чацвёра дзяцей – 400€.

Зніжкі на арганізатарскі ўнёсак:
3% – пры аплаце ўнёска і 30% за пражыванне да 20 красавіка
5% – хто прыязджае ў летнік другі раз
7% – хто прыязджае ў летнік трэці раз
15% – удзельнікам нашай анлайн-школы
Зніжкі складваюцца.

Форма для запісу — тут:
👉 https://forms.gle/D6zVDLu1H2xbedBk8